Pagine

lunedì 9 dicembre 2013

SE DIS

(Riceviamo e pubblichiano)

Sem gent senza importanza

ma semm la maggioranza
e quand gh'hemm de votà
semm la "sovranità".
Nun semm el mar e lor hinn l'onda
e tucc ghe fann la ronda...
Voren la nostra cros per governà
e diventren la nostra cros de soportà.
Cambia el governo, fann on bordell
ma el noster doman l'è semper quell:
sgobbà e pagà,
magari senza barbottà.
Tucc fann promess
che, poeu, s'giacchen in del cèss.
Tucc fann parol e discussion
tant per stà in television.
Se ghe cresess el nas a ogni busia
a 'sti garanti de la democrazia,
gh'avarissom on parlament de marionett
e podarissom ghignà senza rispett.
Disen e disdisen,
se insulten e se pesten
ma per lassai governà
nessun gh'ha de parlà.
Tant per finila, tra amis,
el proverbi el dis
"Quand la merda la monta in scagn
o la spuzza o la fa dagn !"
Inscì dis la gent...
ma mì... disi nient  !!!


                                                                                                      Ginetta Cairoli, Dicembre 1994



Nessun commento:

Posta un commento